Ewell hu mer ee Repertoire vun 319 Lidder (LU 71, DE 79, FR 36, EN 38, IT 7, FUESENT 48, Chrëschtdag 33, Niklosdag 7), eng rei Lidder allerdéngs nëmmen als Refrain an engem Medley. All Joers kommen nei Lidder derbäi.
Hei sinn eis verschidde Programmer an der Iwwersiicht:
- „Douce France“ (NEW)
- „Mammendag“ (NEW)
- „Pappendag“ (NEW)
- „Kniddelowend (Iessen & Drénken)“ (NEW)
- „Géckeg Fuesent“ (NEW)
- „Lëtzebuerger Lidder“
- „Chrëschtdag Feelings“
- „Party mat de Mierbaacher“
- „Schéin al Schanken“
- „D’Léift“
- „Wat Saachen!“
- „Eis Weltrees“
- „Back in Time“
Ma et kann een sech awer och gären ee „Programme à la Carte“ bei eis bestellen. Maacht dat w.e.gl. mat Zäiten fir dass mer dat preparéiere kënnen.
De 19.Januar 2025 um 16:00 Auer war am WAX zu Péiteng („Um Späicher“) d‘Première vun eisem neie Programm „Douce France“. Gutt zwou Stonne laang sange mer schéin al franséisch Schanken aus de Joren 1943 bis 1999.
Op eise Programm „Lëtzebuerger Lidder“ si mer ganz besonnesch houfreg, well dat war guer net esou einfach di musikalesch Playbacks ze kréien. Eng ganz Rëtsch hu mer am Studio extra fir eis maache gelooss, an eng Rëtsch krute mer vun de Komponisten a Produzente geschenkt well si eise Projet flott fannen.
Wéi wär et mat der Reprise vun eisem Klassiker „D’Léift“? Wärend zwou Stonnen ënnerhale mer d’Leit mat flotte Lidder déi eis vun der Léift erzielen. Wat gëtt et Schéineres!?
Fir Chrëschtdag a Niklosdag triede mer op mat eisem Programm „Chrëschtdag Feelings“. D’Leit loossen sech vun eis an eng ganz besonnesch Stëmmung entféieren, déi reegelrecht ënnert d’Haut geet. Et ass Jor fir Jor net z’iwwersinn!
Mir hoffen ët ass eppes fir Iech derbäi. Mir jiddefalls géifen eis freeën äre Leit e puer flott musikalesch Stonne kënnen ze offréieren. Well wat gëtt et Schéineres wéi Leit déi matsangen, unfänken vun alen Zäiten ze dreemen oder d‘Musek a vollen Zich genéissen. Wat gëtt et Schéineres wéi Aen déi liichten, Gesiichter déi stralen an Tréinen déi engem op eemol kommen!? Dat ass onbezuelbar!
Wat kascht ët?
- 1 Stonn : ……………………… 200€ (De Minimum wat ee muss bezuelen)
- 1,5 Stonnen :……………….. 250€
- 2 Stonnen : …………………. 300€
- 2,5 Stonnen: ……………….. 350€
- 3 Stonnen : …………………. 400€
- 3,5 Stonnen: ……………….. 450€
- 4 Stonnen : …………………. 500€
- Sonndes & Feierdeeg :… 100€ (Supplement pro Optrëtt egal wéi laang)
- Lightshow :………………….. 100€ (Suuplement pro Optrëtt egal wéi laang)
Léif Gréiss vun de Mierbaacher, oder wéi d’Leit eis well meeschtens nennen, vun den „Ale Schanken“.
Kimmes Raymond
Tel. : 621 364 816
Email : raykimmi@pt.lu / Homepage : www.mierbaacher.lu