Kontakt
GSM : +352 621 364 816
Email : raykimmi@pt.lu
Wien si mir?
De Jean-Paul Herman an de Raymond Kimmes, zwee Schüler aus der KMS (Käerjenger Musekschoul) wou mer eis kenne geléiert hunn. Allebéid maache mer Chant classique beim Taisia Tordai, Chant moderne beim Hannah Noack a mir sangen beim Susy Thomé-Schneider am Chouer Singing Mommies & Daddies. De Jean-Paul léiert Guitar beim Greg Lamy a spillt Guitar an der Rock Combo vun der KMS ; de Raymond léiert Piano beim Salomé Sanchez.
2018 hu mir decidéiert ee Gesangsduo ze grënden, d’Mierbaacher, an « Al Schanken » ze sangen, d.h. Lidder aus den 30er, 40er, 50er, 60er, 70er, 80er an 90er Joren, dat mat enger Orchesterbegleedung wéi d’Leit se deemols kannt hunn aus dem Radio, vun der Televisioun oder vun de grousse Show-Bühnen.
Wat ass eist Ziel?
De Leit e puer flott Stonnen ze offréieren, al Erënnerungen bei de Leit waakreg ze maachen, de jonke Leit di schéi Lidder vu gëschter a virgëschter ze presentéieren, de Leit fir e puer Stonnen d’Sonn an d’Häerz ze bréngen.
D’Leit däerfe matsangen, matsummen, dreemen, danzen, jee einfach dës onvergiesslech schéi Lidder a vollen Zich genéissen esou wéi se grad Loscht hunn. An dat hunn se bis elo och ëmmer spontan gemaach bei eisen Optrëtter.
Wat kascht et?
- 1 Stonn : 200€
- 1,5 Stonnen : 250€
- 2 Stonnen : 300€
- 2,5 Stonnen: 350
- 3 Stonnen : 400€
- 3,5 Stonnen: 450
- 4 Stonnen : 500€
- Sonndes & Feierdeeg komme nach 1 x 100€ pro Optrëtt derbäi
- Fir d’Lightshow froe mer een zousätzleche Forfait vun 100€ pro Optrëtt
Eis Programmen
Momentan hu mer ee Répertoire vun 217 Lidder (DE 129 / EN 46 / FR 26 / LU 70 / IT 7 – dovun 29 Lidder fir Chrëschtdag a 7 fir Niklosdag). All Joer kommen ëmmer nees nei Lidder a nei Programmen derbäi. Et kann ee sech och aus eisem Repertoire och säi Programm selwer zesumme stellen. Eis Optrëtter daueren 1 / 1,5 / 2 / 2,5 / 3 / 3,5 oder 4 Stonnen, jee no Wonsch, ob mat oder ouni Paus loosse mir den Organisateur entscheeden.
Zu eisen aktuelle Programmen (« Eis Weltrees » / « D’Léift » / « Back In Time » / « Wat Saachen » / « Krëschtdag Feelings » / « Lëtzebuerger Lidder ») komme geschwënn derbäi :
« Schéin al Schanken! » (Januar 2024)
« Fuesend mat de Mierbaacher » (Februar 2024)
« Special Mammendag » (Juni 2024)
« Special Pappendag » (Oktober 2024)
« Douce France » (Januar 2025)
« Musicals, Movies & More » (Projet 2)
« We shall Never Forget » (Projet 3)
…
Wou si mer opgetrueden?
Seniorie St Joseph Péiteng
Servior – CIPA Centre du Rham
Journée du Grand Âge am Centre de Loisirs zu Lamadelaine
Um Späicher vum WAX zu Péiteng (WAX Konschtmillen)
Home pour Personnes Âgées zu Mamer
Am Jousefshaus zu Remich
Centre A Bosselesch zu Monnerech
Home Pour Personnes Âgées zu Miersch
Amiperas Dippach
Home Pour Personnes Âgées Clervaux
Home Pour Personnes Âgées Rédange
Servior Belle-Vue Echternach
Fondation Pescatore Luxembourg
Home Pour Personnes Âgées Sacré-Coeur Luxembourg
Servior Bei der Sauer Diekirch
Servior Beim Klouschter Howald
Waassertrap Belvaux
Seniorie Ste Zithe Contern
Wéinst dem COVID-19 konnte mer leider zwee Joer net optrieden. Säit 2022 stinn mer nees op de Bühnen. Et ass net schéin ee Liewen ouni Fester, Musek a Gesank!
Wéi ee Material benotze mir?
BOSE L1 Model II/B2 (falls néideg verstärkt mat engem BOSE L1 Compact)
BOSE T1 Tone Match Audio Engine
SHURE SM58-LCE Micro
Platinum CLS-1 LightmaXX
1 x IPad Pro (fir d’Musek)
1x IPad Pro (fir d’Texter)
GoodPlayer – Good Media Player
D’Musek kaafe mer ganz legal am Internet (Karaoke Version, Playbackfinder, Apple Store, Jang Linster, asw. …), oder mär kaafen se op enger CD, oder mär loossen se zu Lëtzebuerg an engem Studio maachen (vum Heng Kleren, Marc Desorbay, Claude Zeimes, …)
Mir brauche just 1 elektresch Prise an e puer Quadratmeter Plaatz, soss näischt.
Mat eiser Anlag kënne mir ee Sall vu 50 bis 500 Leit probleemlos beschallen.